Sunday, December 14, 2008
Dalit ni Jose F. Lacaba
Patigilin sa pag-ikot ang lahat ng relo,
pagpuputulin ang mga linya ng telepono,
patahimikin ang mga piyano, at ang kabaong
ay ilabas sa kalye, simulan na ang prusisyon.
Patugtugin ang punebre, at sa pagbuntung-hininga
ay iparinig sa bayan ang balitang Patay Na Siya.
Bihisan ng luksa ang mga nagtatrapik na pulis,
lagyan ng lasong itim ang mga traysikel at dyip.
Siya ang aking hilaga, timog, kanluran, silangan,
ang aking takipsilim at bukang-liwayway,
ang kaing piyesta opisyal at araw ng trabaho.
Akala ko'y habang buhay ang pag-ibig: mali ako.
Bawian na ng sindi ang mga tala at bituin,
ibalot na ang buwan, at ang araw ay baklasin,
walisin na ang gubat, at ang dagat ay itapon.
Pagka't wala nang silbi ang lahat mula ngayon.
...
